May nagtanong...

"Are you in a relationship?"

Hangganda ng tanong.

Nakuha ko yan sa inbox ng FB account ko. Di ko alam kung concerned sa akin yung nagtanong or sadyang "usi"(sero) lang siya. Pero mabait ako ngayong umaga, kaya iisipin kong concerned sya sa lablayp ko. *insert tawang timang here*

emyu

ang hirap talaga magmahal ng bestfriend.

nandyan yung magpapaka "meantime girl" ka. ibig sabihin "pansamantala" ka munang kapalit habang naghahanap pa sya ng kanyang "true and only love". kinakausap ka at nakikipag kulitan lang siya sa iyo dahil masaya kang kasama, masarap kausap at dahil alam nyang walang seryusong namamagitan sa inyo kundi simpleng magkakaibigan lamang. tinatawagan ka niya pag di siya sinipot ng ka date nya. at makikipagbiruan pa sa iyo na kung ikakasal man siya, ikaw ang pipiliin nyang bestman, suot suot ang amoy naptalinang tuxedo.

ang maging tagapakinig sa mga nakakaumay nyang kuwento. pero kung tutuusin, napapakilig ka naman habang tinititigan mo siya sa mata na nagkukuwento kung paanu nya nakilala ang bagong bebot na kinakarir nyang ligawan. lumilipad ang isip mo kung gaanu kasuwerte ang babaeng yun. na sana'y naging ikaw na lang siya.

maging bukang bibig ng magulang nya. na kung meron mang babaeng gusto nilang makatuluyan ng anak nila, e ako daw yun. ansaklap. kung meron lang sanang sumpang pede gamitin para makapagpabago ng tibok ng puso mo eh di sana'y matagal ko nang ginawa.

ang palaging umasa. na sana'y kinabukasan mag iba ang ihip ng hangin at matutunan ka nyang mahalin. yung maisip nya na kahit you're one of the boys eh, babae ka pa rin na may pusong nangangarap na mahalin at alagaan. ang pusong lihim nyang pinapasaya sa bawat tapik sa balikat at akap nya sa tuwing nangangamusta. ang puso na walang ibang tinatangi at minamahal kundi siya.

nakakainis nga lang dahil kahit balibaliktarin ang mundo, hindi na magiging kami.

helmet

kausap ko ang isang matalik na kaibigan kagabi at nagkwento siya tungkol sa problema nya at ng nobyo nya. sa lahat ng kinwento nya, doon sa 'panloloko' issue mas pumanting ng bonggang bongga ang tenga ko. bakit kamo? aba eh, luka-luka na siguro ang babaeng masisiyahan kung ginaganun nga siya ng bf nya. sabi ko nga sa kaibigan ko....."kelan ka pa ba mauuntog neng?". kapal siguro nyang suot mong helmet at di ka man lang matauhan sa pinagagawa ng langyang boypren mo.

bilang isang kaibigan, ayokong nakikita din siyang nasasaktan. nakuuu. eh ako pa naman pag chinika mo ng mga malulungkot na kwento, tiyak yun, tulo agad ang luha ko. lalo na sa mga ganitong sitwasyon.

"may ibang babae siya"

"matagal na pala sila"

"buntis daw yung babae"

"ikakasal na pala sila"

hay naku. kung nakakamatay nga lang ba ang sampal eh...tsk! yun lang naman ang kauna unahang reaksyon na magagawa natin sa harap ni 'jowa'.

pinayuhan ko na lang ang kebigan ko na maging matatag sa pagharap ng problema nya. kailangan nilang pagusapan ang puno't dulo ng problema. at maging handa sa kung anuman ang magiging solusyon at kahihinatnan nito.

nde pwedi ang puro iyak na lang. di rin makakatulong ang pagmumokmok sa kwarto.

ramdam na ramdam kong gusto din ng kaibigan ko na magalit ako ng todo sa syota nya habang kinukwento nya ang mga pangyayari. kaso gustuhin ko man, di ko naman alam ang buong storya nila. kung bakit nagkaganun.

gaano ko man kakilala ng personal ang bf nya, wala ako sa tamang posisyon para husgahan din sya ng ganun ganun na lang.

at kung gagawin ko man yun, walang kwenta.

di rin naman makakatulong sa problema nila.


...... kaya 'neng, sensya ka na. sa akin mo na lang ibunton lahat ng galit mo. (magaling ako umilag e).... basta tandaan mo, nandito lang ako palagi para sa iyo ha?

MySpace Music Playlist at MixPod.com